இந்தியா சென்றுள்ள இங்கிலாந்து அணி, ஐந்து போட்டிகள் கொண்ட ஒருநாள் கிரிக்கெட் தொடரில் பங்கேற்று வருகிறது.

முதல் மூன்று போட்டியின் முடிவில் இந்தியா 2-1 என்று முன்னிலை வகிக்கிறது. நான்காவது போட்டி ஜனவரி 23ம் திகதி மொகாலியில் உள்ள பஞ்சாப் கிரிக்கெட் சங்க மைதானத்தில் நடைபெறவுள்ளது.

இதற்காக இரு அணி வீரர்களும் நேற்று மொகாலி சென்றனர். இன்று இவர்கள் பயிற்சியில் பங்கேற்றனர்.

கடந்த சில நாட்களாக மொகாலி உள்ளிட்ட பஞ்சாப் மாநிலத்தில் பல்வேறு பகுதிகளில் மழை பெய்தது. இதனால் வானம் தெளிவாக காணப்படுகிறது.

தவிர குளிர்ந்த காற்று வீசுவதால், ஆடுகளம் வேகப்பந்துவீச்சாளர்களுக்கு சாதகமாக அமைய வாய்ப்பு உள்ளது.

இதனால் இந்தியாவின் புவனேஷ்வர் குமார், இங்கிலாந்தின் ஸ்டீவன் பின், டெர்ன்பக் உள்ளிட்ட "வேகப் பந்துவீச்சாளர்கள்" சாதிக்க வாய்ப்பு உள்ளது.

இதேபோல, ஜனவரி 27ம் திகதி ஐந்தாவது மற்றும் கடைசி போட்டி நடைபெறவுள்ள தர்மசாலாவிலும், கடந்த சில நாட்களாக பனிப்பொழிவு காணப்படுவதால், குளிர்ச்சியான தட்பவெப்பநிலை ஏற்பட்டுள்ளது.

இதனால் இங்கும் வேகப்பந்துவீச்சாளர்கள் சாதிக்கும் வாய்ப்பு பிரகாசமாக உள்ளது.