சர்வதேச கிரிக்கெட் வாரியம் (ஐ.சி.சி.,) நடத்தும் தொடர்களின் வருமானத்தில் இருந்து தங்களுக்கு 25 சதவிகிதம் அளிக்க வேண்டும் என்று இலங்கை வீரர்கள் வலியுறுத்தினர்.

இதனை இலங்கை கிரிக்கெட் வாரியம் (எஸ்.எல்.சி) ஏற்க மறுத்தது. வீரர்கள் தங்கள் முடிவில் உறுதியாக இருக்க வங்கதேச தொடரில் புதிய வீரர்களை தெரிவு செய்யும் நிலை ஏற்பட்டது.

இந்நிலையில், தெரிவுக்குழு தலைவரும் இலங்கையின் முன்னாள் வீரருமான ஜெயசூர்யா திடீரென இப்பிரச்னையில் தலையிட்டார். வீரர்களுடன் சமரச முயற்சியில் ஈடுபட்டார். இதையடுத்து எஸ்.எல்.சி., மற்றும் வீரர்கள் இடையே சுமூக உடன்பாடு ஏற்பட்டது.

பிரச்னை முடிந்ததை அடுத்து நேற்று இலங்கை அணி அறிவிக்கப்பட்டது. காலேயில் வரும் 8ம் திகதி தொடங்கும் முதல் டெஸ்ட் போட்டிக்கான அணியில் மேத்யூஸ் அணித்தலைவராக நீடிக்கிறார்.

விக்கெட் காப்பாளரும், துடுப்பாட்ட வீரரும் சண்டிமால் துணை அணித்தலைவராக தெரிவு பெற்றார். டில்ஷன் காயத்தில் இருந்து மீண்ட சங்ககரா, திரிமான்னே, கருணாரத்னே, ஷமிந்தா எரங்கா, குஷால் ஜெனித், ஜீவன் மெண்டிஸ், அஜந்தா மெண்டிஸ், விதாங்கே, குலசேகரா, வெலகேதிரா, சுரங்கா லக்மல், ஹேரத், கவுஷலும் இடம் பெற்றனர்.