ஐ.பி.எல்., தொடரில் இடம் பெற்றுள்ள கொல்கத்தா நைட்ரைடர்ஸ் அணியின் பந்துவீச்சு ஆலோசகராக பாகிஸ்தான் அணியின் முன்னாள் வேகப்பந்துவீச்சாளர் வாசிம் அக்ரம் இருந்தார்.

சமீபத்தில் இவர், சொந்த காரணங்களுக்காக இப்பதவியில் இருந்து விலகியதைடுத்து இப்பதவிக்கு அவுஸ்திரேலிய அணியின் முன்னாள் வேகப்பந்துவீச்சாளர் பிரட் லீயை, கொல்கத்தா அணி நியமித்தது.

இதன்மூலம் பிரட் லீ அடுத்து நடைபெறவுள்ள 6வது ஐ.பி.எல்., தொடரில் பந்துவீச்சாளர் மற்றும் ஆலோசகராக செயல்படுவார்.

கொல்கத்தா நைட்ரைடர்ஸ் அணியின் அதிகாரி வெங்கி மைசூர் கூறுகையில், கொல்கத்தா அணியின் பந்துவீச்சு ஆலோசகராக, பிரட் லீயை நியமிப்பதில் அணி நிர்வாகம் பெருமை அடைகிறது. இவரது அனுபவம், கொல்கத்தா அணியின் பந்துவீச்சாளர்களுக்கு கை கொடுக்கும் என்று நம்புகிறோம் என்றார்.