புற்றுநோய்க்கு சிகிச்சை பெற்றபோது யுவராஜ்சிங் அமெரிக்க சைக்கிள் பந்தய வீரர் லான்ஸ் ஆர்ம்ஸ்டாங் போல் தான் மீண்டும் வந்து சிறப்பாக ஆடுவேன் என்று கூறி இருந்தார்.

புற்றுநோயில் இருந்து குணமடைந்த ஆர்ம்ஸ்டாங் டூர் டிபிரான்ஸ் சைக்கிள் சாம்பியன் பட்டத்தை 7 முறை வென்றார்.

இந்த நிலையில் ஊக்க மருந்து பயன்படுத்தியதாக ஆர்ம்ஸ்டராங்குக்கு தடை விதிக்கப்பட்டது. சாம்பியன் பட்டங்களையும் இழந்தார்.

இந்நிலையில் ஆர்ம்ஸ்டாங் தான் எனது நாயகனாக தொடர்ந்து இருக்கிறார் என்று யுவராஜ்சிங் கூறியுள்ளார்.

இது தொடர்பாக அவர் கூறுகையில், ஆர்ம்ஸ்டாங் பற்றிய செய்தி படித்தேன். அதைபற்றி நான் கவலைப்படவில்லை. புற்று நோயில் இருந்து குணமடைந்து சாம்பியன் பட்டம் பெற்றது மகத்தானது.

அவர் ஒரு லட்சிய மனிதர். வாழ்க்கையின் உண்மையான நாயகன் அவர் தான்.

எனக்கு அவர் எப்போதுமே நாயகனாகத் தான் உள்ளார் என்றும் அவருக்கு நான் புத்தாண்டு வாழ்த்து தெரிவித்து தகவல் அனுப்பினேன் எனவும் கூறியுள்ளார்.